Sarrerak – 2 orrialdea – Leizaola Fundazioa

08Ots 2024 by leizaola

Gonzalo Nardizen erakusketa

Sin categoría

Gonzalo Nardizi buruzko erakusketa, historiako lehen Eusko Jaurlaritzako nekazaritza sailburu izandakoa, bere azken kokapenak bisitatzen ari da. Erakusketa ibiltaria iaz ireki zituen bere ateak lehenengo aldiz, eta harrera ezin hobea izan du euskal herrietan zehar. Otsailaren 5etik 19ra Donostiako Okendo kultur etxean egongo da zabalik. Otsailaren 19tik martxoaren 4ra bere jaioterrian, Bermeon, jarriko da, Nestor Basterretxea kultur etxean. Martxoaren 4tik 18ra Basurtu gizarte etxera joango da, eta handik Gasteizko Lakuako gizarte etxera joango da, non apirilaren 15ean bere ateak behin betiko itxiko dituen.

Gehiago irakurri

03Aza 2023 by leizaola Iruzkinik gabe

CEPA egitasmoa garatzen jarraitzen dugu

Sin categoría

Euskal gizartean Bakearen eta Giza Eskubideen balioak sustatzeko jardueren esparruan, eta bereziki kolektibo kalteberen artean, Fundazioa hainbat prestakuntza- eta sentsibilizazio-ikastaro egiten ari da 2023an, EAE osoan zehar. Ekintza honen helburu nagusia elkarbizitza eta inklusio baketsu eta oparoa bultzatzea da, eta prestakuntzak HHIren (Helduen Hezkuntza Iraunkorreko Zentroa) bidez ematen dira.

Gehiago irakurri

03Aza 2023 by leizaola Iruzkinik gabe

Bisitak Eusko Legebiltzarrera eta Gogora

Sin categoría

Aurrekoetan bezala, Leizaola Fundazioak euskal erakundeetara bisita bat antolatu du joan den urriaren 26an. Oraingo honetan, EHUko Zuzenbide Fakultateko berrogeita hamar ikasle gaztek baino gehiagok Eusko Legebiltzarrak Gasteizen duen egoitza gertutik ezagutzeko aukera izan dute, baita zuzeneko osoko bilkura batean eta protokoloko langileek erakundearen historia eta funtzionamendua azaltzeko ponentzia batean parte hartu ere. Ondoren, taldea Gogora Memoriaren Euskal Institutuaren egoitzara joan zen, eta han aurkeztu zitzaien erakunde hori, bai eta euskal memoria historikoa berreskuratzeko eta kontserbatzeko garatzen duen lana ere.

Gehiago irakurri

03Aza 2023 by leizaola Iruzkinik gabe

2030 Agenda ezagutarazteko ekimenak

Sin categoría

Leizaola Fundazioa programa zabal bat garatzen ari da joan den irailetik, 2030 Agendan jasotako garapen iraunkorreko helburuak gizartean eta, bereziki, gazteen artean zabaltzeko. Hori dela eta, argitalpen eta eduki bereziak egin dira, eta gaiari buruzko hitzaldiak eta mahai-inguruak antolatzen ari dira EHUn. Zabalkunde eta partaidetza soziala sustatzeko ekintza horiek 2024. urtean zehar luzatuko dira.

Gehiago irakurri

06Ots 2023 by leizaola Iruzkinik gabe

Aldasororen erakusketa, Erandion ikusgai

Sin categoría

Erakusketa osatzen duten panelen ikuspegia. Erandioko (Bizkaia) Josu Murueta gizarte-etxean Ramón María Aldasororen irudiari buruzko erakusketa egongo da ikusgai otsailaren 6tik 20ra bitartean. Erakusketak joan den mendeko 20ko eta 30eko hamarkadetan euskal errepublikanismoaren adierazgarririk nagusiena izan zenaren bizitza eta ibilbide politikoa jasotzen ditu. Bilbon bulegoa zuen abokatu tolosar bikaina eta lehen Eusko Jaurlaritzako kide izan zen Aldasoro. Jaurlaritzan, merkataritza eta horniduretako sailburua izan zen, eta bere kudeaketa-gaitasun bikainagatik eta Agirre Lehendakariarekiko leialtasun handiagatik nabarmendu zen.

Gehiago irakurri

27Abe 2022 by leizaola Iruzkinik gabe

Ramón Aldasororen erakusketa ibiltaria

Sin categoría

Juan Ramón María Aldasoro Galarza abokatu tolosarra, eta euskaltzale errepublikanoa izan zen. Lehenengo Eusko Jaurlaritzako Merkataritza eta Hornikuntza sailburuaren lanak egokitu zitzaizkion, Bigarren Errepublikaren garaian. Baina dena zapuztu zuen Gerra Zibilak erbestera bidali zuen. Eta erbestean hil zen, Kuban hain zuzen, 1952. urtean. Gaur egun, oso gutxik ezagutzen dute bere irudia, eta horri buelta eman nahian, Aldasorori eta bizi behar izan zuen garaiari buruzko erakusketa ibiltaria antolatu dugu. Euskal Herriko hainbat herri eta hirietan bisitatu ahal izango da, erakusketa bakoitzaren datak hemen iragarriko ditugularik.

Gehiago irakurri

15Abe 2022 by leizaola Iruzkinik gabe

XII. Gazte Topaketa, arrakastatsua

Sin categoría

Azken urteetako ibilbidea jarraituz, eta gure Fundazioak bakearekin, bizikidetzarekin eta espiritu europarrarekin duen konpromisoari eutsiz, XII. Gazte Topaketa ospatu dugu aurten berriro Belgikan. Guztira, 26 lagun Europako erakundeak zuzenean ezagutu ahal izan dituzte, Europako gazteen kezka nagusiak ezagutuz eta beraienak plazaratuz. Lau egunetako egonaldia erabat oparoa izan da, eta hainbat hitzaldi eta topaketa antolatu ditugu Bruselan, Europako Komisioarekin, Kontseiluarekin eta Eskualdeen Europako Batzordearekin elkarlanean.

Gehiago irakurri

10Aza 2022 by leizaola Iruzkinik gabe

Euskal musika eta dantzen errezitaldia

Sin categoría

Leizaola Fundazioak, Euskal Astea programaren barruan antolatzen dituen ekintzen baitan, euskal musika, dantzak eta Peru Irastorza bertsolariaren emanaldia eskainiko ditu datorren azaroaren 18an, ostirala, 19:00etan, Bilboko Bilborock aretoan. Ekitaldia Bilboko Iralabarri auzoko San Antonio abesbatzaren emanaldiarekin hasi eta amaituko da. Abesbatzak bost kantu eskainiko ditu, Oskorritik hasi eta Francisco Alonsoren “Maitetxu mía” ospetsura. Baina Bilboko Beti Jai Alai Dantza Taldeak ere parte hartuko du eta bere artearen berri emango digu ikuskizun paregabe honetan. Besteak beste, Lekeitioko emakumeen aureskua aurkeztuko du, Eguzkiren dantza. Horrez gain, Urtzi Leginetxe txistulariak eta Maria Solinís pianistak euskal musikako pieza klasikoak joko dituzte, Sandra Rodriguezek ahotsa jarriz eta Roser Carrés Ballet Eskolak Ken Zazpiren “Ilargia” abestiaren koreografia berezia emanez. Bertaratzea librea da eta nahi duten guztiek Bilborock Aretora joan daitezke, Mesedeetako Kaia 1, Bilbon.

Gehiago irakurri

10Mai 2022 by leizaola Iruzkinik gabe

Euskarak, osasun ona baina erronka ugari

Sin categoría

Iragarri bezala, ostegunean, maiatzak 5, mundu euskaltzaleko pertsona ospetsuak bildu zituen topaketa egin genuen Bilboko Euskararen Etxean. Bertan izan ziren Patxi Baztarrika euskaltzale, hizkuntzalari eta politikari ezaguna, Paul Bilbao Euskalgintzaren Kontseiluko zuzendaria, Miren Agurtzane Elorduy EHUko irakasle eta ikertzailea, Kepa Erdozia EHUko irakasle eta ikertzailea, Maddi Etxebarria Elhuyar Fundazioko irakaslea eta Miren Elixabete Larrinaga EHUko ikertzailea. Giro lasaian, euskarak aurre egin beharreko erronka nagusietako batzuk azaldu zituzten. Saioa zuzendaritzan eman zuen YouTubek, eta grabazio osoa hemen dago eskuragarri: https://youtu.be/PfwmyU8DTJg

Gehiago irakurri

14Api 2022 by leizaola Iruzkinik gabe

Euskaltzaleen topaketa

Sin categoría

Fundazioak antolatu ohi dituen hausnarketa-guneen ildotik, datorren maiatzaren 5ean, osteguna, euskararen arloko aditu ospetsuak bilduko dituen topaketa ospatuko dugu. Bilera arratsaldeko bostetan hasiko da Euskararen Etxean, Bilboko San Inazio auzoan, eta bertan bizi ditugun garai berri hauetan euskararen sustapenerako estrategia egokia zein izan daitekeen hausnartzen saiatuko gara.

Gehiago irakurri