Egilea: leizaola

Tailerren prestakuntza-eskaintzarekin jarraituz, 2026 proiektu berri batekin hasiko gara. Proiektu horri esker, helduen hezkuntza iraunkorreko hainbat zentrotara joan ahal izango gara, eta gatazkak konpontzeari, gizartean enpatia eta bizikidetza izateari, sexu-aniztasunari edo 2030 Agendari buruzko hainbat prestakuntza emango diegu. Gero eta HHI gehiago sartzen dira programan eta bertan parte hartzea eskatzen dute. Hala ere, zentroren bateko ordezkariak jarduera hori eskaini nahi badu, gurekin harremanetan jar daiteke web honen oinean aipatzen den posta elektronikoaren edo harremanetarako telefonoaren bidez.

Euskal Herriko hainbat herritan barrena ibili ondoren, Santiago Aznarren irudiari buruzko erakusketa ibiltaria esparru hauetan bisitatu ahal izango da azken aldiz: 2026ko otsailaren 2tik, astelehena, otsailaren 16ra, Bilboko La Bolsa eraikinean; otsailaren 17tik martxoaren 2ra, Okendoko erakusketa-aretoan, Donostian; martxoaren 3tik 16ra, Gasteizko Lakua gizarte-etxean; eta martxoaren 17tik 30era, Bilboko Abando barrutiko udal-zentroan. Erakusketak José Antonio Agirre buru izan zuen historiako lehen Eusko Jaurlaritzako Industria sailburuaren irudia aurkezten digu. Santiago Aznar Saratxaga oso pertsona garrantzitsua izan zen gobernu labur baina oso aktibo honetan, eta pisu handieneko saila hartu zuen bere gain: industria, gerraren ahaleginaren zati handi bat haren mende zegoelarik. Erakusketa osatzen duten panel eta xafla handien bidez, euskal sozialista garrantzitsu honen biografian eta ibilbidean murgilduko gara.

Aurreko urteetan bezala, aurtengo abuztuan ere Fundazioak ez du jarduera presentzialik egingo, baina argitalpenak editatzen eta web zerbitzuak etengabe eguneratzen jarraituko du. Aurtengo ikasturtea ere oso emankorra eta oparoa izan da: bizikidetza eta Bakea sustatzeko lantegiak garatzen jarraitu ditugu, baita Bilboko Gaiak ekimena ere ospatu, oroimena Juan Gracia Colasi eskainitako erakusketaren bidez landu dugu, ikusentzunezkoak ekoiztu,... Ikasturte berriari begira, 2030 Agendaren trebakuntza-ikastaroak aurten ere euskal unibertsitatera eramango ditugu, Bruselara ohiko gazteen bidaia ospatuko dugu... Atsedena hartzeko unea heldu denean, opor zoriontsuak opa dizuegu halako tarteaz gozatzeko aukera izango duzuenoi, gure lantaldea aste hauetan ere lanean jarraituko duela gogoratuz. Argazkian, Surf Eskola proiektuaren azken ataleko fotograma bat.

2023an ingurumenari buruz antolatutako mintegia, EHUko Zuzenbide Fakultatean. Iaz hasi genuen ekintzari jarraipena emanik, aurten ere 2030 Agendako edukiak landuko dituzten lau ikastaro bereziak antolatuko ditugu Euskal Herriko Unibertsitatean. Honela, 2030 Agendak ezartzen dituen Garapen Jasangarrirako sei helburu sakonean landuko ditugu unibertsitateko ikasle zein irakasleekin batera. Horiek 8. helburua (lan duina), 10. helburua (lankidetza eta boluntariotza), 13., 14. eta 15. helburuak (ingurumenarekin lotura zuzena dutenak) eta 16. helburua (Baketa eta Bizikidetza). Ikastaro hauek 2024-2025 ikastaroaren hasieran ospatuko dira, urrian eta azaroan.

Lantegiak Euskal Autonomi Erkidegoan antolatzen dira, urte osoan zehar. Leizaola Fundazioak, Eskubidez Foroarekin elkarlanean, lantegi berriak antolatuko ditu maiatzaren 7 eta 16an. Lehenengo lantegiak, hilak 7koa hain zuzen, “Gatazken konponketa. Harremanen indarkeriari aurkako aukera eraginkorra” du izenburu, eta goizeko 9:30etatik 11:30etara ospatuko da, Donostiako Helduen Heziketarako Ikastetxean. Bigarrena, berriz, hilaren 16an ospatuko da, eta “Sexu eta genero aniztasuna (LGTBI+) eta bizikidetza, Giza Eskubideen ikuspegitik” gaia landuko da, Bizkaiko Esperientzia Geletan eskainiko dugularik.

Joan den otsailaren 9an, Bilboko El Carmen aretoan, euskal musika eta dantza ohiko errezitaldia ospatu genuen, bertsolaritza eta euskal kultura herrikoiaren adierazpenak biltzen dituena. María Solinís pianista, Urtzi Leginetxe txistularia, Miriam Lujua eta Alazne López abeslariak, Iralabarriko Antonio Deunaren abesbatza, Beti Jai Alai dantza taldea eta Arkaitz Estiballes bertsolaria aritu ziren, Agurtzane Bilbao kazetari eta irrati esatariak aurkeztuta. Esteka honetan ikus daiteke ikuskizun bikain honen grabazioa.

Eskubidez elkarteen foroarekin batera, datorren otsailaren 27an, arratsaldeko 18:30etatik 20:30etara “Sexu-aniztasuna (LGTBI+) eta bizikidetza, Giza Eskubideen ikuspegitik” lantegia Bermeoko helduen heziketarako ikastetxean ospatuko dugu. Jarduera irekia izango da, eta antolatu ditugun gainontzeko lantegietan bezala, oraingo honetan bizikidetza sexu-aniztasunaren ikuspegitik lantzeko gako eta oinarriak azaltzeko aukera izango dugu.

Gonzalo Nardizi buruzko erakusketa, historiako lehen Eusko Jaurlaritzako nekazaritza sailburu izandakoa, bere azken kokapenak bisitatzen ari da. Erakusketa ibiltaria iaz ireki zituen bere ateak lehenengo aldiz, eta harrera ezin hobea izan du euskal herrietan zehar. Otsailaren 5etik 19ra Donostiako Okendo kultur etxean egongo da zabalik. Otsailaren 19tik martxoaren 4ra bere jaioterrian, Bermeon, jarriko da, Nestor Basterretxea kultur etxean. Martxoaren 4tik 18ra Basurtu gizarte etxera joango da, eta handik Gasteizko Lakuako gizarte etxera joango da, non apirilaren 15ean bere ateak behin betiko itxiko dituen.

Euskal gizartean Bakearen eta Giza Eskubideen balioak sustatzeko jardueren esparruan, eta bereziki kolektibo kalteberen artean, Fundazioa hainbat prestakuntza- eta sentsibilizazio-ikastaro egiten ari da 2023an, EAE osoan zehar. Ekintza honen helburu nagusia elkarbizitza eta inklusio baketsu eta oparoa bultzatzea da, eta prestakuntzak HHIren (Helduen Hezkuntza Iraunkorreko Zentroa) bidez ematen dira.

Aurrekoetan bezala, Leizaola Fundazioak euskal erakundeetara bisita bat antolatu du joan den urriaren 26an. Oraingo honetan, EHUko Zuzenbide Fakultateko berrogeita hamar ikasle gaztek baino gehiagok Eusko Legebiltzarrak Gasteizen duen egoitza gertutik ezagutzeko aukera izan dute, baita zuzeneko osoko bilkura batean eta protokoloko langileek erakundearen historia eta funtzionamendua azaltzeko ponentzia batean parte hartu ere. Ondoren, taldea Gogora Memoriaren Euskal Institutuaren egoitzara joan zen, eta han aurkeztu zitzaien erakunde hori, bai eta euskal memoria historikoa berreskuratzeko eta kontserbatzeko garatzen duen lana ere.